आन्दोलनरत पेट्रोलपम्पका मजदूर यूनियन

२ भदौ, काठमाडौं । आन्दोलनरत पेट्रोलपम्पका मजदूर यूनियन र सरकारबीच आज पुनः बार्ता हुने भएको छ । वार्ता श्रम मन्त्रालयको पहलमा विहान ११ बजे हुनेछ । यसअघिका वार्ता निष्कर्षविहीन भएका थिए ।
एक वर्षअघि पेट्रोलियम डिलर्स एसोसिएसनसमक्ष प्रस्तुत गरेको १५ सूत्रीय माग पूरा नभएको भन्दै नेपाल पेट्रोलियम मजदुर युनियनले सम्पूर्ण पेट्रोल पम्प बन्द गराई शनिवारदेखि आन्दोलन गर्दै आएको छ ।
आन्दोलनरत मजदुरहरुले आज पनि देशभरका निजी पेट्रोलपम्प बन्द गराउँदा उपभोक्ता मारमा परेका छन् । उपभोक्ताहरु घण्टौं लाम लागेर नेपाली सेना, नेपाल प्रहरी र साझा पेट्रोलपम्पहरुबाट आफ्ना गाडीमा तेल भर्न बाध्य छन् ।