उनलाई उनकी एक्ली छोरी सुजाता कोइरालाले दागबत्ती दिएकी थिइन् ।
दाहसंस्कारका बेला आर्यघाटमा ठूलो भीड लागेको थियो।
कांग्रेसका नेता, कार्यकर्ता बाहेक सर्वसाधारण पनि आर्यघाट पुगेका थिए।
लाखौं सहभागी
दिउंसो तीन बजेपछि शुरु गरिएको उनको शवयात्रामा लाखौं मानिस संलग्न थिए।
शवयात्रामा मानिसहरुको बाक्लो उपस्थितिकै कारण दशरथ रंगशालादेखि आर्यघाट पुग्न चारघन्टा लागेको थियो।
प्रधानमन्त्री माधबकुमार नेपाल एकीकृत नेकपा माओवादीका अध्यक्ष पुष्पकमल दाहाल प्रचण्ड लगायत विभिन्न दलका नेता कार्यकर्ता आर्यघाट पुगेका थिए।
त्यसैगरी श्रद्धान्जली दिनेमा भारतीय नेताहरु पनि थिए।
भारतीय सभामुख मीरा कुमार, अर्थमन्त्री प्रणव मुखर्जी, विदेश मन्त्री एस. एम. कृष्णा, भारतीय जनता पार्टीका पूर्व अध्यक्ष राजनाथ सिंह लगायतका नेता आर्यघाट पुगेका थिए।
त्यस अघि दशरथ रंगशालामा राखिएको उनको पार्थिव शरीरलाई दशौं हजारले अन्तिम श्रद्धान्जली दिएका थिए।
रोग
लामो समयदेखि फोक्सोको रोगले ग्रस्त सतासी वर्षीय कोइरालालाई केही समय यता रोगले च्याप्दै लगेको थियो र उनी अशक्त बन्दै गएका थिए।
गएको आइतबार उनलाई रगतको कमी भएर अस्पताल भर्ना गरिएको थियो।
अस्पतालबाट बुधबार छोरी सुजाताको निवास मण्डिखाटारमा लगिएका कोइरालाले शुक्रबारदेखि तारन्तार पखाला लागेपछि शनिबार दिउंसो करीब साढे बाह्र बजे देहत्याग गरेका थिए।
राजकीय सम्मान
उनको शवलाई प्रधानमन्त्रीले राष्ट्रिय झण्डा ओढाएर राजकीय सम्मान गरेका थिए।
राजकीय सम्मानक्रममा सेनाले १५ तोप पडकाएर सलामी चढाएको थियो।
शवयात्राका बेला उनको शवलाई सेनाले शोकधुन सहित ‘एस्कर्ट’ गरेको थियो।
No comments:
Post a Comment